Ora di ofisina gratis

Free Walk-In-Consult

E ora di oficina gratis di Triple A Attorneys ta duna abo komo buskadó di bo derechi un posibilidat asesibel pa presentá bo problema hurudiko na un abogado kapas, sin ku e teller ta kuminsa konta inmediatamente. E Ora di oficina gratis di Triple A Attorneys ta komparabel na e “Loket Huridiko” na Hulanda, ku ta wòrdu subsidiá dor di gobièrnu Hulandes. Na Kòrsou i otro islanan di Reino Hulandes Karibense sin embargo nos no konosé e posibilidat aki. Personanan (no empresa) ku no ta bini na remarke pa risibí asistensia huridiko subsidiá dor di gobiernu (asina yamá karchi hel òf abogado di gobiernu), por pasa serka nos durante e ora di oficina gratis.

E ora di ofisina gratis ta tur djaluna di 2’or pa 3’or. Bo por presentá sin mester traha un sita previo. Sin embargo pa e motibu aki por tin un momentu di espera. Durante di e ora di ofisina gratis, bo ta risibí alrededor di 20 minut pa splika bo situashon i risibí konseho riba esaki. E periodo di 20 minut ta pa limitá tempu di espera pa otro personanan. E ora di ofisina gratis ta spesifikamente pa (potensial) klientenan nobo. (Si ya bo ta kliente di nos bufete òf den pasado ya bo a hasi uso di nos ora di ofisina gratis, no ta e intenshon pa bo hasi uso di esaki un biaha mas). Durante e ora di ofisina gratis tin por lo ménos un abogao disponibel. E abogado ta evaluá si e por kontestá bo pregunta inmediatamente durante di e promé sita. Si esaki no ta posibel e por pasa e kaso pa otro abogado òf traha un siguiente sita ku bo, pafó di e ora di ofisina gratis. Den kaso di un siguiente sita, e aspektonan finansiero di e kaso lo wòrdu tratá.