Derecho familiar gerenalmente ta trata asuntunan personal i impaktante. Pa bo emoshonan no dirigibo demasiado den tomo di desishonnan, ta miho pa bo buska asistencia huridiko di un abogado eksperensiá i ku ta dominá e materia. Triple A Attorneys tin eksperensia amplio den kasonan familiar.

Momentu ku bo a bisa otro “si”, bo a será un kontrato kompliká i bo a eksponé bo mes na leinan deskonosí tantu di presente komo di futuro. Den e romanse nunka bo a pensa riba e posibilidat ku e matrimonio por terminá pa medio di un divorsio. Un divorsio ta un di e eksperiensianan mas impaktante den bida. Bon konosementu i informashon obhetivo i aksesibel ta di sumo importansia p’abo den e kasonan aki. Si abo i bo esposo(a) a yega n’e desishon ku un divorsio ta e miho solushon pa boso dos, boso por separá tòg for di otro na un forma digno i sereno. Triple A Attorneys por asistí boso debidamente durante e proseso aki. Na e momentunan aki, partidonan por skohe den un proseso (mas) largu òf unu kòrtiku.Si partidonan sin embargo ta di akuerdo tokante e divorsio i e terminonan mará na esaki, e divorsio por wòrdu dekretá den un dia. E forma rápido di divorsio aki tambe sa wòrdu yama divorsio “den un Tiro”. E divorsio one shot tin algún benefisio i por wòrdu guiá dor di Triple A Attorneys.

Benefisionan di un divorsio “den un Tiro”.

• Bo ta aparese solamente un (1) biaha dilanti di hues;
• Tarifa abòu i fiho;
• Tur asuntunan di pertenensia reglá den un solo tiro;
• Akuerdonan enkuanto menornan di edat reglá den un solo biaha;

Prosedimentu di “Divorsio den Un Tiro”

Pa kuminsá e dos partidonan konserní mester ta di akuerdo ku otro riba tur e kondishonan di e divorsio. Por ehèmpel, boso konhuntamente por yega na un akuerdo tokante repartishon di e bienes konyugal, disidí riba e futuro di e kas matrimonial i/òf e aporte finansiero pa (kada) yiu(nan). Lo traha un sita ku bo pa un kombersashon personal ku un di e abogadonan di ofisina ” Triple A Attorneys “. Den e kaso aki ta di sumo importansha pa tanto abo komo bo espos (o) (a) ta presente na e sita personal.

Kiko Bo mester presentá kuné na e sita (òf kombersashon) personal

• un I.D. òf reibeweis bálido
• buki di kasamentu i/òf un kopia di e akta di matrimonio;
• akta di nasementu di boso yiu(nan) (den e kaso ku tin yiu)

Durante di e kombersashon personal lo repasá e konbenio preliminar di divorsio i lo diskutí su kontenido ampliamente. E konbenio di divorsio ta un konbenio, den kua ” Triple A Attorneys ” lo spesifiká akuerdonan ku a wòrdu yegá na dje i kondishonan di e divorsio ku a wòrdu stipulá. E konbenio aki por wòrdu ahustá na bo último deseonan i si tur dos partido konserní ta di akuerdo nan lo firm’ele. Además, henter e desaroyo di e proseso lo wòrdu spliká na plaka chikí.

Proseso Normal di Divorsio.

Tambe ta posibel ku abo ku bo espos (o) (a) no por a yega na un akuerdo tokante di e divorsio òf tokante di e kondishonan pa divorsio. Naturalmente, pa motibunan personal Bo ta duna e preferensia pa independientemente di Bo “espos (o) (a) kuminsá un proseso di divorsio. Triple A Attorneys por asistí Bo den e prosedura di divorsio aki tambe.