E abogadonan di Triple A Attorneys ku frekuensia ta fungi komo kurator òf atministrador den kasonan di bankarota. Pa e motibu aki, nos tin amplio eksperiensia den e materia di insolvensia i nos por konsehabo den e materia for di varios perspektiva.

Bo ke konseho den kaso ku bo ta deseá pidi bankarota di un debedó kun o ta pagas u debenan of porta di bo propio empresa, serka Triple A Attorneys bo ta na e lugá korekto. Nos por evaluá si e petishon ta di akuerdo ku e spesifikashonnan legal i entregá esaki p’abo na korte.

Tambe nos por entregá un petishon pa suspenshon di pago (surseance van betaling). Tin momento ku un empresa ku tin problema pa paga su debenan por evitá bankarota dor di pidi un suspenshon di pago. Durante e periodo di suspenshon di pago, e empresa no por wòrdu obligá pa paga algundebe. Di e forma aki e empresa por kue rosea.

Si un kobradó entregá un petishon di bankarota kontra bo (empresa), bo tin e posibilidat pa defendé bo mes contra e petishon aki verbalmente. Asistensia di un abogado versá manera di Triple A Attorneys ta krusial den e tipo di kasonan aki. Un desishon di bankarota por wòrdu evitá òf nos por apelá e petishon i den kaso ku bo no a presentá durante tratamentu di e promé kaso, bai den oposishon kontra e desishon. Pa motibu ku e tempu di apelashon ta realmente korto, ta importante pa un abogado aktuá rápidamente. Tambe ta posibel pa, den kasonan ku bankarota ya a wòrdu dekretá, hiba un konsulta konstruktivo ku e atministradó di e bankarota (curator).