Generalmente, tantu den kaso sivil komo den kaso penal e tarifanan di Triple A Attorneys ta basá riba e tarifa korespondiente pa ora. Sinembargo, dependiendo di e grado i embergadura di e kaso, tin otro posibilidatnan di pago ku un kliente di Triple A Attorneys por kumbiní ku nos.

Seguidamente ta sigui un spesifikashon di diferente posibilidatnan di pago:

• Pago basá riba tarifa pa ora
  E sistema “normal” di pago, ku ta enserá lo siguiente: e kliente ta paga un adelanto i esaki ta wòrdu deskontá según e trabo uta wòrdu hasí, basá riba e tarifanan pa ora korespondiente.
• Pago di un montante fího mes ora
  Promé ku e abogado kuminsá defendé e interesnan di su kliente, e kliente ta paga un montante fího ku ta kubri tur e aktividatnan rekerí den su kaso, pa asina evita ku serka e kliente lo reina insertidumbre pa ku e montante final ku e mester paga.

• Pago dependiendo di e resultado di e kaso
  Un posibilidat ta ku e pago ta wòrdu basá kompletamente riba e resultado optené. Si no logra un resultado faborabel, e kliente no tin ku paga Triple A Attorneys. Sin embargo, si e resultado optené ta na fabor di e kliente e ora ei e ta konta un tarifa (aprobá previamente) ku ta un poko mas haltu ku e tarifa ku Triple A Attorneys ta kobra normal.

Un otro posibilidat ta un kombinashon di e opshonnan ariba menshoná, kaminda e tarifa fiho lo ta bálido den kaso di un resultado na fabor di e kliente i un tarifa mas abou den kaso ku e resultado no ta lokual ku nos ta deseá.