Ta sosodé ku sierto regularidat ku un kliente ta traha un debe pa despues resultá ku e l’ a bandoná nos isla sin avisá. Si Bo ta un di e kreditornan i a keda pegá ku e gastonan, ta mas ku lógiko ku lo Bo kier tuma sierto medida. Esaki no semper ta fasil i si e debedó ta den eksterior, ta bira mas difisil pa kobra Bo plaka.

Aunke e islanan ku ta forma e Reino Hulandes Karibense (anteriormente konosó komo Antia Hulandés i Aruba) ta forma parti di Reino Hulandes, pa motibu di distansia geográfika Hulanda ta wòrdu konsiderá komo eksterior. Tin biaha asta e Hulandés Europeo i e Hulandes Karibense ta konsiderá otro komo stranhero. Di otro banda e komunikashon entre diferente partinan di Reino ta transkurí di un forma mas simpel kompará ku otro partinan di mundu. Por ehempel, no tin barera di idioma i e leinan ta en gran parti identiko.

Triple A Attorneys ta establesé na Kòrsou. Esaki ta hasi posibel ku e debedónan na Kòrsou I e otro islanan di Reino Hulandes Karibense por wòrdu persigí hurídikamente i di e forma aki por kobra Bo plaka. No ta importá si e debenan a wòrdu hasí na Antia Hulandés, Aruba, Hulanda òf otro parti di mundu. Abogadonan i kolaboradornan di Triple A Attorneys por brinda e servisio di kobransa den henter  Reino Hulandes Karibense dor di apliká e prosedura di kobransa na nivel hudisial. Nos abogadonan tin eksperensia amplio den e area di kobransa, lokual generalmente ta kondusí na un resultado positivo.