Den tráfiko, na trabao, na kas i riba kaya, bo por bira víktima di un aksidente, i komo konsekuensia resultá heridá. Den kasonan di tur dia, no semper ta sali na klá ta ken a okashoná ni ken ta responsabel pa e daño i perhuisio. Tambe e gastunan embolbí den e tipo di kasonan aki generalmente ta hopi haltu. Tampoko no ta tur hende ta sufisientemente orientá i bon informá pa sa ki kaminda mester kana den semehante situashón. Pa e motibunan aki, e asistensia di un eksperto ta importante, pa asina tur asuntu konserní wòrdu debidamente regla. E abogadonan di Triple A Attorneys ta eksperto riba e tereno aki i gustosamente lo yuda bo i defendé bo interesnan pa asina por rekobrá i kobra lokual ta korespondé na bo.

Tambe e abogado por deliberá ku e kontra partido kaminda ta nesesario, pa imbolukrá un eksperto pa determiná e daño kòusá. Triple A attorneys ta aspirá di resolvé e kaso sin intermediashón di hues. Si no logra esaki, e ora ei lo entamá un prosedura ku mester wòrdu trata dor di hues.

Asistensia di un abogado di Triple A Attorneys no ta nifiká ku bo mester hasi mas gastu. Si bo mes ta e víktima, bo por bini na remarke pa un areglo “no cure no pay”, dependiendo e sirkunstansianan. Den kaso ku ta abo ta responsabel, esaki no ta posibel. Pa mas informashón, por fabor lesa e kapítulo ku ta trata “Tarifanan”. E abogadonan di Bokkes Advocaten tin eksperensia amplio riba tereno di “Daño i Perhuisio/Leshon” i por logra resultado optimal.