E derecho riba propiedat intelektual ta regla e derechinan di e inventor òf kreadó di por ehèmpel un produkto, invento, marka, musika òf obra literario. Solamente e persona ku ta disponé di e propiedat intelektual tin derechi di por ehèmpel produsí e produkto, graba e komposishon musikal òf publiká i multipliká e buki.

Triple A Attorneys ta registrá komo representante di marka ofisial na Ofisina pa Propiedat Intelektual di Kòrsou, OPI (http://www.bip.cw) i komo tal nos por funshoná komo bo representante den kaso di registrá òf renobá bo derecho riba propiedat intelektual.

Huntu ku esaki, Triple A Attorneys ta trata kasonan riba e siguiente areanan: derecho di autor (bou di kua ta kai derecho di imagen), derecho relashoná ku banko di datos, patent, sekretonan empresarial, derecho riba marka (tantu nòmber di produkto komo logo), derecho riba nòmber empresarial, riba pintura i modelo, semikonduktornan, derechinan relashoná i derecho di kriadó.